DUA TAUN DEUI !

Dua Taun Deui !

Sora Bueuk ngelak, unggal peuting, dina tangkal Lengkeng, di buruan imah ki Juha. “ Moal salah, aya nu Jinah, di lembur urang !”, tatangga ting kecewis. Buruan imah Ki Juha jadi lenglang, kabeh tatangkalan di bukbak. “ Jang suluh, iangeun ka Kota” jawabna ka nu nanya. Bueuk terus ngelak, tempatna pindah, nyengcle na suhunan imah ki Juha . “ Goblog , Bueuk teh !, piraku ari kudu ngarugrugkeun imah mah !” gerentes ki Juha. Pasarandog jeung budak awewena nu cikal, di dapur. Beungeut Ki Juha ngadadak nyiak, laju ngabalieur, malikkeun lengkah muru ka tengah imah. Lebah kalender nu ngagantung na tembok, Ki Juha ngarandeg. “ Duh …! dua taun deui !” manehna ngarahuh. Enya dua taun deui pamajikanna, karek bisa balik ti Arab Saudi.

Koméntar kana ieu Fikmin:

1. Tien Widartini Darodji: beu sigana sicikal jadi korban ,deudeuh teuing ku teu boga rasrasan
2. Pak AdSulaeman: Iman mah kuat, Imin teu kiat, kontrakna lami teuing tu da
3. Godi Suwarna: :"Weiiis, fikmin petingan, yeuh...! Emutaneun bapa-bapa..."
4. Pak AdSulaeman: Tak tage tong sina angkat ka saudi, atuh.
5. Ahmad Yani: Teh Tien Widartini Darodji : Heu heu heu ..."Kedah kumaha deui atuh !?, bonganna ngan eta-etana nu aya " Ceuk Ki Juha, ngalengis bari panonna peupeureudeuyan, semu nu gumasep ! hi hi hi !
6. Ahmad Yani: Pak AdSulaeman : heu heu ..." Da sim kuring mah, teu kantos ngiring nanda tangan kontrak !!" ceuk Cep IMIN, bari nyerengeh !
7. Ahmad Yani: Kang Godi Suwarna : Sumuhun Ang !, Lampu Beureum, kangge Bapa-bapa nu ceehan eleh ku hawa tiris ,,,,, he he he!, Hatur sewu nuhun Ang Prabu , kana apresiasina. Ambuing... lami teu tepang, nguping wartos tilu dinten tilu wengi, saurna , ngeuyeuk proyek di Pangandaran !?, he he he... Wilujeng Leleson Ang Prabu !
8. Ahmad Yani: Pak AdSulaeman: Abot na mah nataku, namung dalah dikumaha, upami bojo teu angkat ka Saudi, rupina moal ngebul dapur teh ! heu heu !
9. Tiktik Rusyani: Sok atuh ka para bapa,sing soson-soson usaha ngarah garwa teu kedah janten pahlawan devisa, bari nasibna kalah katalangsara, kapan tugas istri mah ngurus rumah tangga. Sanes kitu?
10. Iwan R Jayasetiawan: Kang Ahmad Yani.Meupeus keuyang .Margi teu aya konfensasi
11. Ahmad Yani: Tiktik Rusyani : Mangga , seja diestokeun pisan Teh ! hi hi hi !, nyuhunkeun doana wae, mugia Papayung Nagri " Tiasa langkung Eucreug " dina raraga ngolah nagara ! he he he !
12. Ahmad Yani: Kang Iwan R Jayasetiawan : hi hi hi hi .... untung si Cikal bageur !
13. Wawan Darwan: Milarian deui we atuh kang Juha.........hehe...lebar bulukan etah
14. Irman Dimyatie: Tah, di dieu perluna boga pamajikan leuwih ti hiji teh! Keur Ki Juha atawa jalma sejenis Ki Juha, nyandung geus jadi WAJIB. Naon sababna? Nyeta kitu, paur kajantena sapertos dina fikmin di luhur. Deudeuh teuing ka Si Cikal. Karunya teuing ka calon salakina. Rajeun meunang pamajikan pasesaan mitoha. Naudzubillahi min-dzalik!!!
15. Irman Dimyatie: Hidup Nyandung!!!
16. Ahmad Yani: Wawan Darwan : Heu heu heu ... milarian deui ? nyeta abot ku waragadna Ang ! , janten weh ..... ! Aduh ! .... ieungggg !!
17. Iwan R Jayasetiawan: Kang Ahmad Yani. Jurus Kang Irman sareng Kang Jejen tos kaluar. Mani bentes eta nyebat Nyanduuuuuuuuuuuuuung hahahha
18. Ahmad Yani: Kang Irman Dimyatie : hi hi hi hi ...Meni asa di pupujuhkeun ku uing ! ha ha ha ha ha ha ha ha ha ha ha ha ha ha !!
19. Ki Hasan: Kumaha mun mut'ah we atuh Ki Juha. Bekel aya kintunan bojo ti Saudi. Fatwana mah ngadeuheus ke ka ustad Irman Dimyatie, ustad Ahmad Gibson, ustad Ahmad Fawzy Imron, atawa ustad Iwan Hanjuang.
20. Ahmad Yani: Iwan R Jayasetiawan : ha ha ha ha ha !! sumuhun meni nyantok ! , langsung bangenan yeuh useup teh ! ha ha ha ha ha !!
21. Iwan R Jayasetiawan: Ditonjok Congcot yeuh!
22. Jejen Jaelani W: heuheuheu....... Kang Irman Dimyatie, eta teh Ki Juha atanapi Ang Herdi Pamungkas..... boa-boa nya nu nyerat fikminna.... halabhab.... teu acan kakeclakan...
23. Irman Dimyatie: hahahahahaha...... eta eupan meni ku pelem.
24. Ahmad Yani: Iwan R Jayasetiawan : hi hi hi hhi hi hi hi ... sae pisan tah pari paos teh !! xixixixixixixi ! tepat ....! upami pelor mah , nanceb dina angka 10 ! ha ha ha ha !
25. Irman Dimyatie: sapertosna kitu, Ang.
26. Jejen Jaelani W: Eh boa-boa Kang Iwan R Jayasetiawan nu tos lami ngahgar...
27. Ahmad Yani: Irman Dimyatie : Asa rareuwas nya Ang !, aya nu ngangge nami anyar !, sareng rada panjang deuih ? boa-boa yeuh ! ngadamel KTP Ganda ? , duka kangge naon maksadna tah ! ? he he he he he !!
28. Wawan Darwan: Sok lah ku akang di dukung rek nyandung mah....bisi kurang waragadna mah.....menta we ka.......kang Jejen heuheuy deuh...
29. Jejen Jaelani W: Kang Ahmad Yani tong waka curiga, bilih paliron, eta aya nami nu sami, Ang Jejen Jaelani, numawi ditambihan, bilih Ang Jejen Jaelani nyandung der we anggota DPR nyangki ka abdi....cilaka aya bahan diketig punduk
30. Ahmad Yani: Kang Wawan Darwan : heu heu heu , tos tikamari ngaheroan ka Kang Jejen Jaelani Wargadipura, teh , namung edas ... kalah di antep we, ngajentul dina golodog ! ha ha ha !
31. Jejen Jaelani W: hahaha....Yi Wawan Darwan, ke nya bade ngorowot heula toilet nu 20 M sareng ruang rapat nu pangaosna 20 M, bilih hoyong mah raradan we tah toilet tilasna..... hehehe...
32. Yat Minus Kasepna Thea: hahhayyyyy....kabayang humaregungna ki juha...nahan teterelna si kardun...heuehuehue
33. Ahmad Yani: Kang Jejen Jaelani Wargadipura : Heu heu heu .... kutan kitu kasang tukangna teh Ang ! , Sip lah !, kahartos ayeuna mah. Da leres atuh hawatos ka punduk , bilih ka ketig ka 11 kali na ! ha ha ha ha ha !
34. Wawan Darwan: Ulah kitu kan Jejen Jaelani Wargadipura karunya ka Yi Ahmad Yani maenya kudu ngajual Toilet mah....kacida heheuy deuh
35. Jejen Jaelani W: hahaha....halah eta Jejen Jaelani, asa ku tega nyaru janten abdi, jigana bade miceun salasah tah.....
36. Jejen Jaelani W: Ang Wawan Darwan, da tos biasa Kang Ahmad Yani mah ical galeuh kokorompong.....
37. Ahmad Yani: Yat Minus Kasepna Thea : he he he he ... enya gera pang longokkankeun ki Juha teh Ang ! , hawatos .... bilih langkung parna ! hi hi hi hi hi!
38. Irfan El Fikr: Dugi kakituna Ki Juha.
39. Wawan Darwan: oh kutan...kitu nya ? tos lami yi Ahmad Yani kana kokorompong teh ? aya icalen yeuh.... hehe
40. Irman Dimyatie: Naha Wargadipura, Ang Jejen teh? Sanes Wargakadungora????
41. Tien Widartini Darodji: hey wargi wargi ,terang teu hukuman kanggo nungaruksak anakna sorangan taya deui nucocok salian... kedah di sunatan deui
42. Jejen Jaelani W: Yeh ari Kang Irman...ti kamari sirik bae ari hoyong nyandung mah der we Kang, ulah ngekesek abdi.....
43. Jejen Jaelani W: Bu Tien Widartini Darodji, atuh ari kitu mah Kang Irman Dimyatie teh kedah disunatan deui nya Bu
44. Wawan Darwan: Sok atuh urang sarunatan deui...aya pesona mah seukeut yeuh hehe
45. Tien Widartini Darodji: naha Iman Dimyatie sanesJejen Jaelani W heuheuheuh
46. Jejen Jaelani W: sanes, Kang Irman Dimyatie saur Kang Iwan Hanjuang teu acan babalik pikir..... hehehe....
47. Ambuna Kaka: lami keneh ningan!
48. Ahmad Yani: Ambuna Kaka : karunya ka si Cikal we ! Duh ! hi hi !
49. Iwan R Jayasetiawan: Kang Ahmad Yani.Jelas pisa kakuping ku abdi,Kang Jejen Jaelani Wargadipura, nyebat bedul teh lila keneh pisan.kaburu nyandung heula hehehhe
50. Ahmad Yani: Iwan R Jayasetiawan : hi hi hi hi ... manawi teh tos daramang ! ha ha ha ha ha ha ha !!. pek teh kalhka langkung segut ! hi hi hi hi !
51. Abi Ceuceu: ehm,,,meni hawatos,,, *bari milangan cangkang supermi,,,
52. Teti Taryani: Sing sabaaarrr....
53. Ahmad Yani: Abi Ceuceu : hi hi hi .. aya ku lucu, kangge naon milari cangkang supermi wengi-wengi !!? hi hi !
54. Ahmad Yani: Teti Taryani : "Neda piduana wae Teh !, Si Abah cing enggal babalik pikir " Ceuk si Cikal bari nginghak ! hi hi hi !
55. Nyimas Kanjeng Ratu Yuyu: dua taun deui sabaraha malem Jumaah nu baris lapur tah
56. Muhammad Shohiba Nu'man: Astaghfirullah.. tingsariak kieu maosna.. Ngageregel kieu fikmin teh, ang! Jempol
57. Bening Selaksahati: bonagn ajeun kang juha teu jadi lalaki sajati , hayoh ngawidian bojo ka Arab saudi , janten putra nu nanggel nafsu birahi nu nyandak campuhna azab gusti
58. Ahmad Yani: #Nyimas Nyimas Kanjeng Ratu Yuyu : Rupina kana kituna, bakal sering keneh ka dangu, inghak si cikal, meupeuskeun jemplingna peuting, nu teu ieuh tiasa ngalawanan rongkahna nafsu !
59. Ahmad Yani: Muhammad Shohiba Nu'man : Ngahelas nyeta Ang !, nyawang jalmi nu teu tuah teu dosa, kedah janten korban, bejatna moral, nu di akibatkeun ku Sistem Hirup nu amburadul !
60. Iwan Hanjuang: akang moal nyebut berenuk ah,hampura we nya..
61. Bening Selaksahati: Iwan hanjuang @ dihapunten kang ...mung ulah sakali - kali deui he he
62. Ahmad Yani: Bening Selaksahati : Leres kitu pisan manawi !, padahalmah nya mun seug Papayung Nagri, tiasa nyumponan kaperyogian rahayatna, tiasa nyadiakeun pakasaban, moal aya sigana kajantenan nu teu kinten biadabna sapertos kitu ! Duhhhh ...ieungggggg !!!
63. Irman Dimyatie: Berenuk = Benda Renjul jiga maNuk.....
64. Iwan Hanjuang: ieu fikmin daria pisanmjadi akang teu wasa mun netik berenuk,sing sumpah daek medu..
65. Irman Dimyatie: Ari fikminna mah anti berenuk.... ngan dina komen berenuk wungkul..... tapi, keun bae lah.
66. Ahmad Yani: Kang@Iwan Hanjuang : Janten asa kapiring leutik yeuh !, balas ku ngarumaoskeun !, hatur sewu nuhun pisan Ang !
67. Irman Dimyatie: hahahahaha....... kapiring leutik teh naon, Ang Ahmad Ahmad Yani?
68. Ahmad Yani: Kang @Irman Dimyatie : Sumuhun rupina bade di piceun wae ti kawit ayeuna mah kecap "berenuk" teh, rumaos ari tos gogonjakan teh sok kamalinaan ..heu heu heu !, hatur nuhun Ang Irman !
69. Irman Dimyatie: ih... ulah! Kecap 'berenuk' teh nambahan kosa-kata basa Sunda. Keun bae..... hahahaha... (naha kana judul fikmin deui lumpatna)
70. Irman Dimyatie: Titadi hayang ngapungkeun fikmin, Ang. Ngan hanjakalna teh.... ilhamna lok-emol wae.
71. Ahmad Yani: He he he he he ... sok der atuh apungkeun Ang@Irman Dimyatie , meungpeung nuju rineh yeuh dinten ieu teh ! heu heu !
72. Nana Sukmana: Waduh, fikmin realis didugikeun lantip pisan. Ngebrehkeun ngagulakna antara rasa, kasieun, kahayang, sareng tanggung jawab. Dorongan hormon felinetilamin, endoprin, oksitosin, memang sesah disidemna. Nu ngarang henteu janten hakim, sadayana dibukakeun, disanggakeun ka nu maca. Ngajedak yeuh kana sirah. Jempolsss!
73. Endah Dinda Jenura: surti tapi peurih, hiks!